اعرفكم بيا انا بنت فى التلاتين من العمر زى اى بنت ليا طموحات وامنيات ونفسى اعمل حاجات كتير وكالعادة محققتش حاجة خالص اتخرجت من الكلية مش فاهمة حاجة زى اى حد بيتعلم فى بلدنا بنتخرج مش فاهمين حاجة ولحد دلوقتى نفسى افهم اى حاجة...................... قولولى هوه فى حد فاهم حاجة ؟ والنبى يا اخونا اللى فاهم يقولى ينوبكم ثواب وتقعدلك فى صحتك وعافيتك نرجع لموضوعنا انا زى ما قولت لحضراتكم أتخرجت من كلية الأداب ومكنش طموحى أشتغل فى الحكومة لكن أهوه اللى حصل بقى نعمل أيه وأشتغلت فى منطقة ارياف بعد كدى حكيلكم عن المغامرات اللى حصلتلى فى الشغل ......... انا بقالى ست سنين بشتغل فى نفس المكان ست سنين يا ناس يا هوه ولسه عايشة الحمد لله ...... ومتجوزتش طبعا زى بنات كتير قوى عايزة اخترع اختراع هوه ليه البنات حلوة قوى وبتشتغل وفى بنات فى مناصب كويسة بس متجوزتش هيه الرجالة اتعمت طب ما يعملوا حاجة يعنى يزودوا زراعة محصول الجزر مثلا اللى بيقوى النظر عشان الرجالة اللى انتسطت فى نظرها دى تشوف البنات دى ....... وبرده حابقى احكيلكم مغامراتى مع العرسان اللى اتقدمولى والله كلهم ولاد حلال المهم دى مجرد بطاقة تعارف ويارب اكون كنت خفيفة عليكم ولسه هوه انتم لسه شوفتوا حاجة ........سلام دلوقتى وشوفكم فى الرسالة الجاية لو عجبتكم شجعونى ......
هناك تعليقان (2):
بدايه موفقه يابوبوس...معلش اصل كلمه بابوشه دى مش نزلالى من زووور...ماعلينا...المدونه جميله بس شوفيلك بقى حد يظبطهالك ويروقها ...يعنى وش دوكو وصنفره وبعدين ينزل بورق الحائط....يلا اشوفك فى البلوج الجاى
روز
بدايه موفقه يابوبوس...معلش اصل كلمه بابوشه دى مش نزلالى من زووور...ماعلينا...المدونه جميله بس شوفيلك بقى حد يظبطهالك ويروقها ...يعنى وش دوكو وصنفره وبعدين ينزل بورق الحائط....يلا اشوفك فى البلوج الجاى
روز
إرسال تعليق